Fel rhan o’n prosiect treialon cnydau, rydyn ni wedi bod yn gweithio gyda ffermwyr lleol, gan gynnig cyngor, cyllid sbarduno, cysylltiadau â marchnadoedd lleol, ac offer i gefnogi cynhyrchu garddwriaeth yn lleol.
Un ffermwr sy’n ymwneud â’r prosiect yw Menna Williams o Dal y Wern sydd wedi bod yn treialu cnydau bresych y gaeaf ar ei fferm laeth. Dewisodd fresych y gaeaf i gyd-fynd â’r tymor tyfu o amgylch y cyfnodau prysurach ar y fferm laeth ac i lenwi bwlch mewn cynhyrchiant gan dyfwyr lleol eraill. Mae hi wedi cael llwyddiant mawr yn tyfu blodfresych, bresych, ysgallddail, cêl a brocoli porffor, gan eu gwerthu drwy Focs Llysiau Mach a’r stondin Ffres a Lleol yn y farchnad dydd Mercher ym Machynlleth.
Fe wnaethon ni gynorthwyo Menna gyda chostau prynu planhigion plwg organig o Delflands, gan ddewis amrywiaeth o fathau i fod ar gael dros y gaeaf. Fe wnaethon ni hefyd gynorthwyo Menna gyda chynllun cnydau, ac ymweliadau safle i’w chefnogi gyda chyngor ar blâu a chlefydau a thechnegau cynaeafu. Mae Menna yn gobeithio cynyddu ei hymdrechion eleni ac mae wedi buddsoddi mewn peiriannau i helpu’r uwchraddio.
Mae’r prosiect hefyd wedi bod yn gweithio gyda marchnadoedd lleol fel Bocs Llysiau Mach, Ffres a Lleol a mwy i gynyddu’r farchnad ar gyfer ffrwythau a llysiau a dyfir yn lleol. Mae gennym ddiddordeb mewn datblygu canolbwynt ar gyfer cynnyrch bwyd i gynorthwyo ffermwyr i gyflenwi’r farchnad leol, a marchnata i wahanol gymunedau yn yr ardal i gynyddu’r nifer sy’n prynu ffrwythau a llysiau ffres sy’n cael eu tyfu’n lleol.
Mae’r prosiect hefyd wedi bod yn gweithio gyda marchnadoedd lleol fel Bocs Llysiau Mach, Ffres a Lleol a mwy i gynyddu’r farchnad ar gyfer ffrwythau a llysiau a dyfir yn lleol. Mae gennym ddiddordeb mewn datblygu canolbwynt ar gyfer cynnyrch bwyd i gynorthwyo ffermwyr i gyflenwi’r farchnad leol, a marchnata i wahanol gymunedau yn yr ardal i gynyddu’r nifer sy’n prynu ffrwythau a llysiau ffres sy’n cael eu tyfu’n lleol.
Gyda llywodraeth newydd yn y Senedd, rydyn ni hefyd yn gweithio i eiriol dros fecanweithiau polisi a fydd yn cynorthwyo mwy o ffermwyr i fynd ati i dyfu ffrwythau a llysiau ar eu ffermydd drwy gyllid, systemau rhannu tir a mwy drwy bartneriaeth Cynghrair Polisi Bwyd Cymru. Gallwch ddarllen eu gofynion polisi ar gyfer y llywodraeth newydd yma
Os oes gennych chi ddiddordeb mewn cael gwybod mwy am y cymorth y gallwn ei gynnig i ffermwyr sydd eisiau arallgyfeirio i gynhyrchu cnydau neu fusnesau sydd eisiau prynu cynnyrch lleol, cysylltwch â roz.corbett@landworkersalliance.org.uk.