Mae wedi bod yn bwysig iawn i’r prosiect adlewyrchu a dysgu o beth a sut rydym wedi bod yn dylunio atebion perthnasol lleol ar gyfer yr argyfwng bioamrywiaeth a hinsawdd. Mae wedi bod yn ffordd newydd o weithio i lawer ohonomac felly yn gynnar yn 2022 fe wnaethom gomisiynu darn o ymchwil i archwilio a myfyrio ar gyfnod cyd-ddylunio’r prosiect hwn.
Fe wnaeth yr ymchwilwyr gyfweld â phobl oedd yn cymryd rhan yn y cyd-ddylunio mewn amryw o ffyrdd. Gallwch ddarllen yr adroddiad llawn yma. Neu gallwch cael cipolwg drwy’r adroddiad cryno yma.
“Mae wedi herio ein ffordd ni o weithio, ac roeddwn i’n meddwl bod hynny’n beth da, yn bersonol ac o ran y sefydliad”
Mae’r adroddiad yn cynnwys llawer o fyfyrdodau ac argymhellion defnyddiol yr ydym ni fel prosiect eisoes yn adeiladu arnynt. Mae’r adroddiad wedi’i rannu’n 9 pwnc am y cyfnod cyd-ddylunio:
- Pwrpas, cyfle ac amserlen
- Dulliau
- Lleoedd a mannau
- Cyfathrebu
- Pobl, rolau a chynrychiolaeth
- Llywodraethu a gwneud penderfyniadau
- Adnoddau a chyllid
- Meithrin gallu
- Effaith a mesur llwyddiant
“Rydw i‘n teimlo eu bod nhw wedi datblygu cymuned eithaf cryf. Mae’r cyfarfodydd yn teimlo fel bod gan bawb lais”
Diolch i bawb a gymerodd ran yn yr ymchwil hwn, gan sicrhau bod profiadau a mewnwelediadau’r rhai a fu’n rhan o’r cyd-ddylunio yn cael eu casglu er mwyn i ni ddysgu oddi wrthynt.
“Roeddwn ni’n ceisio creu syniadau newydd. Mae cynnwys lleisiau sy’n feirniadol, neu’n teimlo eu bod nhw wedi’u brifo, yn elfen mor bwysig o drwsio, gwella, cymodi. Rwy’n meddwl bod hyn yn hanfodol”